"Barselona" hujumchisi Joau Feliks jamoa uchun yarim himoyachi Frenki de Yongning ahamiyatini qayd etdi.

Niderlandiyalik futbolchi jarohati sabab Kataloniya jamoasining navbatdagi o'yinlarini o'tkazib yuboradi. Chempionlar ligasi doirasida "Portu"ga qarshi o'yin oldidan o'tkazilgan matbuot anjumanida Feliks 26 yoshli yarim himoyachi uni boshqa jamoadoshlaridan ko'ra ko'proq hayratga solganini tan oldi: "Meni eng ko'p De Yong hayratda qoldirdi. Men Frenkini avvaldan bilardim, lekin uning o'yinini yaqindan ko'rish menga yanada aniqroq tasavvur berdi. Uning o'yinni tushunishi va maydonda o'zini tutishi juda ta'sirli", - deya "Atletiko Madrid"dan ijaraga olingan portugaliyalik futbolchining so'zlarini keltiradi ispan OAVlari.