“Inter Mayami” hujumchisi Lionel Messi yanvar oyida “Barselona”ga qaytmaydi.Eslatib o'tamiz, “Inter Mayami” MLS pley-offiga chiqish imkoniyatidan mahrum bo'ldi. Shundan so'ng argentinalik futbolchining “ko'k-anorranglilar” safiga ijara asosida o'tishi haqida xabarlar paydo bo'ldi. Mundo Deportivo nashrining xabariga ko'ra, kataloniyaliklar moliyaviy fey-pley tufayli Messi bilan shartnoma imzolash variantini ko'rib chiqmayapti. “Barselona”ning qishki transferlar oynasidagi asosiy maqsadi — hozirda “Atletiko Paranaense”da to'p surayotgan Vitor Rokeni ro'yxatdan o'tkazish bo'ladi.  Leoning o'zi ham “Barselona”ga qaytish istagida emas. Messi MLS chempionatida 5 ta o'yinda ishtirok etib, bitta gol va bitta golli uzatmaga mualliflik qilgan.