«RB Leyptsig» yarim himoyachisi Dani Olmo kelasi yozda jamoasini tark etishi mumkin.

Sport Bild xabariga ko'ra, ayni damda futbolchining xizmatlariga eng ko'p qiziqish bildirayotgan klublar «Real Madrid» va «Manchester Siti»dir.

Eslatib o'tamiz, o'tgan yozda Olmo «RB Leyptsig» bilan shartnomasini uzaytirgan va yangi shartnomaga hali oshkor etilmagan tovon pulini kiritgan edi. Avvalroq, Danining xizmatlariga «Barselona» ham qiziqish bildirayotgani xabar qilingandi.

Olmo joriy mavsum Germaniya Bundesligasida 3 ta o'yinda maydonga tushib, 2 ta gol va 1 ta golli uzatmaga mualliflik qildi.