Aleksiya Putelyas "Barselona" ayollari tarixidagi eng yaxshi to'purarga aylandi.

Putelyas "Atletiko Madrid"ga qarshi o'yindagi yagona golni urdi va bu gol evaziga "Barselona" ayollari ketma-ket beshinchi chempionat g'alabasini qo'lga kiritishdi.

Putelyas uchun bu gol "Barselona" ayollar jamoasi tarkibidagi 182-gol bo'ldi. Futbolchi Jennifer Ermosoni ortda qoldirib, jamoa tarixidagi eng yaxshi to'purarga aylandi.

"Barselona" Putelyasni ushbu muvaffaqiyati bilan tabrikladi va Lionel Messi bilan birga suratini "Tvitter"dagi ijtimoiy tarmog'iga joyladi. Messi 672 ta gol bilan "Barselona" tarixidagi eng yaxshi to'purar hisoblanadi.