Keyingi yozda hujumchi Vitor Roke «Atletiko Paranaense»dan «Barselona»ga o'tadi. Braziliyalik futbolchining so'zlariga ko'ra, hatto himoyachi Ronald Arauxo ham uni Kataloniya klubiga taklif qilgan.

«Arauxo «Barselona» bilan shartnoma imzolashimdan oldin ham menga qo'ng'iroq qila boshlagandi. U mening jamoadoshim Kanobbioga xabar yubordi. U shunday dedi: «Vitorga aytingchi, biz bilan «Barsa»da bo'lsin».

U har qanday holatda ham «Barsa»da bo'lishimni xohlagan. Keyin esa meni kutayotganini o'z gapiga qo'shib qo'ydi», - dedi Roke Mundo Deportivo nashriga.