Kataloniyaning "Barselona" klubi bu mavsumda jarohatlar girdobiga tushib qoldi. Jamoa "Atletik Bilbao"ga qarshi o'yinda yana ikki nafar asosiy futbolchisi Pedri va Frenki de Yongni uzoq vaqtga yo'qotdi.

Sport nashrining xabar berishicha, klubda hozir faqatgina 3 nafar futbolchi butun mavsum davomida hali jarohat olmagan. Bular: darvozabon Inyaki Penya, yarim himoyachilar Ilkay Gyundogan va Fermin Lopes.

Jamoa hozirda La Liga turnir jadvalida peshqadam "Real"dan 8 ochko ortda qolmoqda. Kataloniyaliklar hisobida 58 ochko bor.