"Palmeyras"ning 16 yoshli futbolchisi Estevan Villian "Barselona"ning bo'lajak yangi futbolchisi Vitor Roke bilan munosabatlari haqida gapirdi.

Yosh vinger o'zini Kataloniya grandining muxlisi deb atadi va "ko'k-anorranglilar" safida o'ynashni xohlashini tan oldi. Uning do'sti Vitor Roke allaqachon orzusini amalga oshirishga muvaffaq bo'ldi: "Barselona" uni "Atletiko Paranaense"dan sotib oldi - transfer 2024 yilda amalga oshiriladi.

"Vitor mening do'stim, biz juda yaxshi munosabatdamiz. "Barselona" u bilan shartnoma imzolaganini bilganimda juda xursand bo'ldim. Men u bilan allaqachon o'ynaganman, lekin qachondir biz "Barselona"da birga o'ynaymiz", - dedi braziliyalik vunderkind Mundo Mundo Deportivo bilan suhbatda.