"Barselona" hujumchisi Robert Levandovski jarohatidan tiklanishda davom etmoqda.

35 yoshli futbolchi "Portu"ga qarshi o'yinda jarohat olgandi. Polyakning navbatdagi "El-Klassiko"da ishtirok etishi jiddiy shubha ostida edi, ammo, aftidan, yulduz forvard "Real" bilan o'yinda maydonga tushishni kutmoqda.

Jurnalist Tomash Vlodarchikning so'zlariga ko'ra, Levandovski qo'shimcha tekshiruvlardan o'tgan va bu tiklanish jarayoni reja bo'yicha ketayotganini ko'rsatgan. La Liganing so'nggi to'purari haqiqatdan ham hafta oxirigacha formaga kirishi mumkin.

“Barselona” – “Real” uchrashuvi 28 oktyabr kuni bo'lib o'tadi.