"Barselona" hujumchisi Robert Levandovski Chempionlar ligasi guruh bosqichi 3-turi o'yini oldidan o'z his-tuyg'ulari bilan o'rtoqlashdi.

"Barselona"dagi birinchi mavsumim ham hissiyot, ham maydonda ajoyib tajriba bo'ldi. Men juda ko'p yangi odamlar bilan tanishdim va ajoyib o'yinchilarga ega ajoyib klubga qo'shildim. Katta zavq bag'ishlaydigan yangi narsalarni sinab ko'rishda davom etaman va ulardan rohatlanaman. Men o'zim xohlagan joyda ekanligimni his qilyapman", - deya Levandovski so'zlarini keltiradi UEFA rasmiy sayti.

Joriy mavsumda Levandovski o'nta o'yinda qatnashib, oltita gol urdi va to'rtta golli uzatmani amalga oshirdi.