"Barselona"ning ikki nafar jarohat olgan futbolchisi Ispaniya chempionatining navbatdagi turida "Real"ga qarshi maydonga tushish imkoniyatiga ega. Gap hujumchi Robert Levandovski va vinger Rafinya Dias haqida ketmoqda.

Insayder Aleks Pintanel ma'lumotlariga ko'ra, "Barselona"ning barcha jarohat olgan futbolchilari orasida Levandovski va Rafinya Ispaniya chempionatining markaziy o'yinida o'ynash uchun eng yaxshi imkoniyatlarga ega. Ayni paytda yarim himoyachi Pedrining ishtirok etishi dargumon ko'rinadi.

Eslatib o'tamiz, "Barselona" bugun ham Chempionlar ligasi guruh bosqichi 3-turida "Shaxtyor" bilan o'ynashi kerak.