Ferran Torres Chempionlar ligasida "Barselona" safida beshinchi golini urdi.

Kataloniya klubi Chempionlar ligasi guruh bosqichi 3-turida “Shaxtyor”ni mag'lub etdi (2:1). Uchrashuvning 28-daqiqasida Torres hisobni ochdi.

23 yoshli futbolchi ushbu turnirda "Barsa" safidagi 8-o'yinini o'tkazdi va 5 ta gol urdi. "Blaugrana" tarixida bu ko'rsatkichga tezroq erishgan yagona ispaniyalik Luis Enrike edi - u 7 uchrashuvda 5 ta gol urgan.

Ferran uchun bu gol joriy mavsumdagi barcha musobaqalardagi 5-gol bo'ldi. U "Barsa"ning eng yaxshi to'purarlari ro'yxatida Robert Levandovskidan bir gol ortda qolib, 2-o'rinni egallab turibdi.