Italiyalik insayder Fabritsio Romano "Barselona" yarim himoyachisi Gavi yaqin kelajakda "Chelsi"ga o'tishi mumkinligi haqidagi mish-mishlarni rad etdi.

"Gavi "Chelsi"ga o'tishi haqidagi mish-mishlar? Men bu haqda hech narsa bilmayman. Gavi va Pedri "Barselona" loyihasining asosiy o'yinchilaridir. Men "Chelsi" muxlislarini xafa qilishni xohlamayman, lekin bu mish-mishlarning barchasiga ishonish mumkin emas deb o'ylayman", - dedi Romano Caught Offside bilan suhbatda.

Eslatib o'tamiz, avvalroq Gavi "Chelsi"ga o'tishi mumkinligi haqida xabarlar tarqalgan edi, ammo bu mish-mishlardan so'ng yarim himoyachi "Barselona" bilan shartnomasini uzaytirdi. Yarim himoyachi ushbu Ispaniya chempionatida 10 ta o'yinda bitta gol va bitta golli uzatmaga ega.