Kataloniyaning “Barselona” klubi darvozaboni Mark-Andre ter Shtegen Ispaniya chempionatining 11-turida “Real”ga qarshi o'yindagi mag'lubiyat (1:2) haqida gapirdi.

Nemis posboni bu natijani katta umidsizlik deb hisoblamoqda, chunki uning jamoasi yaxshi o'yin o'tkazdi, ammo “Real” kabi klubga gol urish uchun ko'p imkoniyat berish shart emas.

"Men raqib jamoa futbolchilariga baho bermayman. Jud Bellingem ikkita gol urdi va "Real" uchun o'yinni o'zgartirdi", - dedi ter Shtegen Marca bilan suhbatda.

Eslatib o'tamiz, “ko'k-anorranglilar” 68-daqiqagacha 1:0 hisobida oldinda borayotgandi, biroq Jud Bellingem dubl qayd etib, qo'shib berilgan vaqtda g'alaba to'pini kiritdi.