«Barselona» «Jirona» futbolchisi Savio Moreyraga qiziqish bildirmoqda.

Chap qanot himoyachisi pozitsiyasini «ko'k-anorranglilar» yozgi transfer oynasida kuchaytirmoqchi. «Barselona» bosh murabbiyi Xavi bozorni o'rganishni so'radi.

Shu tariqa, «Jirona»da «Troya»dan ijara asosida o'ynayotgan Savio Moreyra «Barsa»ning qiziqish doirasiga tushdi.

Kataloniya jamoasi yanada rivojlanishga qodir yosh o'yinchilarni o'z safiga qo'shib olishga intiladi va 19 yoshli braziliyalik bu ta'rifga mos keladi.

Qayd etilishicha, «Barselona» sport direktori Deku futbolchini «Atletiko Mineyro» yoshlar akademiyasini tark etib, 16 yoshida Braziliya chempionatida debyut qilganidan beri yaxshi biladi.

La Liganing joriy mavsumida Savio 11 ta o'yinda maydonga tushib, 3 ta gol va 4 ta golli uzatmani amalga oshirdi.