"Real"ning sobiq futbolchisi Guti Joau Feliksning "Barselona" safidagi so'nggi o'yinlaridagi sust o'yini sababini tushuntirib berdi.

"Ko'k-anorranglilar" "El-Klasiko"da mag'lub bo'ldi (1:2), bir turdan keyin esa "Real Sosedad"ni arang mag'lub etdi (1:0), ammo bosh murabbiy Xavi Ernandes tan olganidek, eng yaxshi o'yinni o'tkaza olmadi.

Gutining so'zlariga ko'ra, portugaliyalik forvard har ikki holatda ham o'zini ko'rsata olmadi, ammo bu uning aybi emas: "Feliks to'pni o'zida saqlaydigan jamoalarda bemalol o'ynayapti, "Real" va "Real Sosedad"ga qarshi o'yinlarda esa "Barselona" buni qilmagan, shuning uchun muammo futbolchining o'zida emas", - dedi "Real"ning sobiq yarim himoyachisi Barca Universal bilan suhbatda.