"Nitstsa" markaziy himoyachisi Jan-Kler Todibo katta summaga sotilishi mumkin

23 yoshli futbolchiga Londonning "Chelsi" va "Manchester Yunayted" klublari qiziqish bildirmoqda. O'tish 2024 yilda amalga oshishi mumkin va uning potentsial qiymati 30-40 million evroga baholanmoqda, deb xabar beradi Sport. Ma'lumki, bo'lajak shartnoma summasining 20 foizi "Barselona"ga tushadi. Shu tariqa, Kataloniya klubi sobiq futbolchisining transferi evaziga 8 million evrogacha daromad olishi mumkin.

Jan-Kler Todibo 2021 yildan beri "Nitstsa"ga tegishli. Joriy mavsumda frantsiyalik futbolchi o'nta o'yinda ishtirok etib, bitta golli uzatmani amalga oshirdi.