«Barselona» hujumchisi Ferran Torres yaqin kelajakda klubini o'zgartirishi mumkin. Fichajes xabariga ko'ra, futbolchi APLga qaytishi mumkin - unga «Nyukasl» qiziqish bildirmoqda.

Qayd etilishicha, agar moliyaviy tomondan to'g'ri taklif tushsa, «Barselona» Torresni sotishga tayyor bo'lishi mumkin. Gap shundaki, «Kamp Nou» rahbariyati 23 yoshli forvardning o'yinidan norozi. 2023/2024 yilgi mavsumda 16 ta o'yinda Torres 5 ta gol urdi va sheriklari uchun ikkita golli uzatmani amalga oshirdi.

Ferran Torres avvalroq Angliyada «Manchester Siti»da o'ynagan. Transfermarkt portali forvardni 35 million evroga baholamoqda.