"Real Madrid" va "Barselona" prezidentlari RFEF rahbariyatidan ketishdi.

Florentino Peres va Joan Laporta bugun Ispaniya Qirollik futbol federatsiyasi (RFEF) direktorlar kengashidan iste'foga chiqdi.

Oktyabr oyi oxirida RFEF prezidenti vazifasini bajaruvchi Pedro Rochaga yo'llagan maktublarida "Real Madrid" va "Barselona" rahbarlari federatsiya boshqaruv organidagi o'z lavozimlaridan iste'foga chiqish qarorini e'lon qilishdi.

Qayd etilishicha, Rocha bilan yaxshi munosabatda bo'lgan Peres ham, Laporta ham bu qarorini federatsiyadagi saylov jarayoniga aralashmaslik niyatida oqlaydi. RFEFning yangi to'laqonli prezidenti uchun saylovlar yaqin oylarda bo'lib o'tadi.