Kataloniyaning "Barselona" klubi kelayotgan yozda tayanch yarim himoyasini kuchaytirmoqchi.

Jurnalist Rojer Torello ma'lumotlariga ko'ra, "ko'k-anoranglilar" uchta nomzod orasidan tanlamoqda. Klubning qisqa ro'yxatida "Nyukasl" futbolchisi Bruno Gimaraesh, "Real Sosedad" tayanch yarim himoyachisi Martin Subimendi va "Atalanta" a'zosi Ederson Lourenso bor.

Eslatib o'tamiz, o'tgan yozda "Barselona" Serxio Buskets o'rniga "Jirona"dan Oriol Romeuni olib kelgandi. Romeu 32 yoshda bo'lgani uchun "Barselona" kelasi yozda yoshroq va istiqbolli yarim himoyachi bilan shartnoma imzolamoqchi.

Eslatib o'tamiz, Subimendi o'tgan yozda "Barselona"ning short-listida edi, ammo klub 60 million evro tovon pulini to'lay olmadi.