Kataloniyaning "Barselona" klubi "Nyukasl" yarim himoyachisi Bruno Gimaraeshni o'z safiga qo'shib olish yo'lini qidirmoqda.

Jurnalist Rojer Torello bergan ma'lumotlarga ko'ra, variantlardan biri sifatida "ko'k-anorranglilar" rahbariyati o'z vingeri Rafinya Diasni Gimaraeshga almashtirishni ko'rib chiqmoqda.

Eslatib o'tamiz, Gimaraesh yaqinda "Nyukasl" bilan yangi uzoq muddatli shartnoma imzoladi, bu esa uning "Barselona"ga to'g'ridan-to'g'ri o'tish ehtimolini yanada qiyinlashtiradi. Biroq, "ko'k-anorranglilar" braziliyalik yarim himoyachini qo'lga kiritish urinishlaridan voz kechmayapti.