Frenkie de Yong "Barselona"ning umumiy guruh mashg'ulotlariga qaytdi.

Eslatib o'tamiz, niderlandiyalik yarim himoyachi "Selta" bilan La Liga o'yinida to'pig'idan olgan jarohati sabab sentyabr oyidan beri maydonga tushmayapti.

Mundo Deportivo xabariga ko'ra, bugun jamoa ixtiyoridagi "Barselona" futbolchilari Xavi futbolchilarga 3 kunlik ta'til berganidan so'ng mashg'ulotlarga kirishishgan. De Yong umumiy guruh bilan mashg'ulot o'tkazdi.

Ma'lum qilinishicha, De Yong shu shanba kuni "Rayo Valekano"ga qarshi o'yinda maydonga tushishi aniq.