Xaver Tebas yangi saylovlarni e'lon qilish uchun Ispaniya La Ligasi prezidenti lavozimini vaqtincha tark etib turadi. Bu haqda COPE nashri xabar bermoqda.

Qayd etilishicha, Tebasning g'oyasi La Liga rahbari lavozimiga yana o'z nomzodini qo'yishdir.

Aytish joizki, Xaver Tebas 10 yildan ortiq vaqtdan beri La Ligani boshqarib kelmoqda - u ilk bor 2013 yilning bahorida bo'lib o'tgan saylovlarda g'alaba qozongan.

Ispaniya La Ligasida o'n uch tur ortda qoldi. Ayni damda chempionatning kutilmagan peshqadami «Jirona» bo'lib turibdi, u mumkin bo'lgan 39 ochkodan 34 ochko jamg'argan. «Real Madrid» 32 ochko bilan ikkinchi o'rinni egallab turibdi, «Barselona» 30 ochko bilan kuchli uchlikni yakunlaydi.