Kataloniyaning "Barselona" klubi prezidenti Joan Laporta kecha jamoani Chempionlar ligasining pley-off bosqichiga olib chiqqani uchun bosh murabbiy Xavi Ernandesga hurmat bajo keltirdi.

"Men Xavi uchun juda xursandman, chunki u erishgan narsasiga loyiq. U jamoa bilan qiyin vaziyatlarni boshdan kechirdi, jarohatlarga dosh berishga majbur bo'ldi. "Portu" bilan o'yinmi? Ikki Joauning gollarini ko'rib xursand bo'ldim. Menga Pedrining 13 kilometr yugurgani va shu tariqa Gavi o'rnini egallagani ham yoqdi. Frenki de Yong? U bilan biz engilmasmiz" - dedi Laporta matbuot anjumanida.

Eslatib o'tamiz, Xavi o'tgan mavsumda "Barselona" bilan Ispaniya chempionatida ham "Real" ustidan sezilarli ustunlik bilan g'alaba qozongan edi.