Kataloniyaning "Barselona" klubi darvozaboni Mark-Andre ter Shtegen kelasi hafta oxirida Ispaniya chempionati doirasida "Atletiko"ga qarshi o'yinda maydonga qaytadi. Jurnalist Xavi Migelning ma'lumotlariga ko'ra, germaniyalik posbon "matraschilar" bilan bo'ladigan o'yingacha tiklanadi.

Eslatib o'tamiz, Ter Shtegen "Barselona"ning "Rayo Valekano" va "Portu"ga qarshi so'nggi ikki o'yinini belidagi muammolar tufayli o'tkazib yuborgandi. Bu o'yinlarning hech birida zaxira darvozaboni Inyaki Penya o'z darvozasi daxlsizligini saqlab qola olmadi.

"Barselona" hafta oxiri bo'lib o'tgan to'qnashuvda "Atletiko"ni mag'lub etsa, Ispaniya chempionatida uchinchi o'rinni qaytarib olishi mumkin. "Ko'k-anorranglilar" birinchi o'rindagi "Real"dan to'rt ochko ortda qolmoqda.