Mark-Andre ter Shtegen "Barselona" safida yana bir o'yinni o'tkazib yuborishi kutilmoqda.

Ertaga Kataloniya jamoasi La Liganing 15-turi doirasida "Atletiko Madrid" bilan uchrashadi. Uchrashuv Toshkent vaqti bilan 01:00da boshlanadi.

"Barsa" darvozaboni Ter Shtegen hamon jamoadoshlari bilan mashg'ulot o'tkazmayapti - uni belidagi og'riq hamon bezovta qilmoqda. Nemis futbolchisining madridliklar bilan o'yinda ishtirok etishi deyarli imkonsiz, deb xabar bermoqda AS.

Balki ertaga ertalab bo'lib o'tadigan sinovlardan so'ng Ter Shtegenni ushbu o'yin uchun tarkibga qo'shish haqida qaror qabul qilinishi mumkin.

Bungacha darvozabon “Rayo Valekano” (1:1) va “Portu” (2:1) bilan o'yinlarni o'tkazib yuborgandi.