"Barselona" yarim himoyachisi Frenki de Yong La Liga chempionligi uchun kurashdan umidlari bilan o'rtoqlashdi. Eslatib o'tamiz, “ko'k-anorranglilar” va birinchi o'rin o'rtasidagi farq hozirda to'rt ochkoni tashkil etadi. Ispaniya chempionatida peshqadamlikni bir xil ochkoga ega “Jirona” va “Real” bo'lishib turibdi.

"Bu mavsumda biz mutlaqo keraksiz ochko yo'qotishlarga yo'l qo'ydik. Umid qilamanki, La Liganing keyingi turlarida biz «Jirona» va «Real» bilan farqni yo'qotamiz", - deya de Yongdan iqtibos keltiradi Ziggo Sport.

"Barselona" kecha "Atletiko Madrid"ni Joau Feliksning goli evaziga minimal hisobda mag'lub etib, La Liga turnir jadvalida uchinchi o'ringa ko'tarilib oldi.