Kataloniyaning "Barselona" klubi yarim himoyachisi Frenki de Yong joriy mavsum "Atletiko"dan ijara asosida "blaugrana"da o'ynayotgan hujumchi Joau Feliksning saviyasini baholadi.

“Feliks ajoyib o'yinchi, u tabiiy iste'dodga ega. Uning darajasini hatto to'pga tegishidan ham ko'rish mumkin. Agar Joau diqqatini jamlab, hozirgidek ishlashda davom etsa, u ajoyib futbolchiga aylanishi mumkin", - deya de Yong so'zlarini keltirmoqda Ziggo Sport.

Feliks kecha o'zining sobiq jamoasi "Atletiko Madrid" darvozasiga "Barselona"ga g'alaba keltirgan golni kiritdi. Avvalroq Joau doimiy ravishda Xavi Ernandes jamoasida qolishni istashini aytgandi.