Four Four Two jurnali qiziqarli reytinglarni nashr etishda davom etmoqda. Bu safar mutaxassislar La Liganing 2000 yillarning eng yaxshi futbolchilari haqidagi o'z versiyasini ko'rsatishdi.

Ushbu reytingning birinchi qatorida «Barselona»da porlagan Ronaldino turibdi. Ikkinchi o'rinni Lionel Messi egalladi. Kuchli uchlikni Xavi yakunlaydi.

Kuchli o'ntalikka, shuningdek, Raul Gonsales, Zinedin Zidan, Andres Inesta, Samuel Eto'O, Roberto Karlos, Dani Alves va Ronaldo kirdi.

Krishtianu Ronaldu reytingga kiritilmadi, chunki 2000 yillarda u deyarli La Ligada o'ynamagandi. Portugaliyalik futbolchi 2009 yilda «Real» safiga qo'shilgan edi.