"Barselona" darvozaboni Mark-Andre ter Shtegen belidan jarohat olib klub shifoxonasiga yotqizildi.

Germaniyaning Bild nashri xabariga ko'ra, germaniyalik posbon jarrohlik amaliyoti o'tkazish kerakmi yoki yo'qmi degan qaror shu haftada qabul qilinadi.

Avvalroq, agar Ter Shtegen operatsiya qilinsa, tiklanish davri ikki oy bo'lishi haqida ma'lumot paydo bo'lgandi.

Ispaniya chempionatining so'nggi o'yinida Ter Shtegensiz "Barselona" o'z maydonida "Atletiko Madrid"ni minimal 1:0 hisobida mag'lub etdi. Hozirda Xavi shogirdlari La Liga turnir jadvalida uchinchi o'rinda bormoqda.