"Barselona" va "Manchester Yunayted" yaqin kelajakda transfer bozorida yuqori darajadagi o'yinchilar almashinuvini amalga oshirishi mumkin.

TodoFichajes nashri ma'lumotlariga ko'ra, Rafinya "Old Trafford"ga, Markus Reshford esa Kataloniyaga yo'l olishi mumkin.

26 yoshli Reshford shartnomasi uzaytirilganidan keyin eng yaxshi mavsumni o'tkazmayapti. Hujumchi "Manchester Yunayted" safida 18 ta o'yinda atigi 2 ta gol urgan. 26 yoshli Rafinyani mish-mishlar uzoq vaqtdan beri Premer-ligaga qaytishi bilan bog'lab kelmoqda, u avvalroq "Lids" sharafini himoya qilgan.

Transfermarkt Rafinyani 60 million evroga, Reshfordni esa 75 million evroga baholamoqda.