"Barselona"ning 16 yoshli vingeri Lamin Yamal Kataloniya klubida o'ynaganida bosimni his qilmasligini ta'kidladi.

“Men "Barselona"da o'ynash borasida bosim his qilmayapman. Balki endigina 16 yoshdaligim uchundir. Men uchun bu shunchaki o'yin, hatto biz katta stadionlarda o'ynashimiz kerak bo'lsa ham.

Men dunyoning ikki-uchta eng katta klubidan biridaman, lekin ayni paytda men uchun bu ikkinchi uy... to'g'rirog'i, hatto birinchi. Chunki men etti yoshimdan klub tizimida bo'lganman va bir necha yil klub akademiyasida tunab qolganman" - dedi Yamal Tuttosport nashriga.