"Manchester Yunayted" yarim himoyachisi Donni van de Bek shaxsan o'zi xizmatlarini "Barselona"ga taklif qildi. Sport.es nashri xabariga ko'ra, yarim himoyachining o'zi "ko'k-anorranglilar" rahbariyatiga murojaat qilgan.

Shu bilan birga, “Barselona” van de Bekning nomzodiga qattiq shubha bilan qarashi xabar qilingan. Futbolchi transfer bozorida qulay va arzon variant bo'lsa-da, yarim himoyachi kamdan-kam maydonga tushganidan xavotirda.

Eslatib o'tamiz, avvalroq van de Bek qishda katta ehtimol bilan "Manchester Yunayted"ni tark etishiga shama qilgan edi. Bosh murabbiy Erik ten Xag futbolchining yo'lida to'sqinlik qilmaydi.