Kataloniyaning «Barselona» klubi joriy mavsumda Ispaniya chempionatida ajoyib o'yin ko'rsatayotgan «Jirona»ning chap qanot yarim himoyachisi Savinoni jiddiy tarzda nishonga olmoqda.

Sport nashrining xabariga ko'ra, 19 yoshli braziliyalik futbolchi «ko'k-anorranglilarning» 2024 yildagi transfer maqsadlaridan biriga aylangan.

Manbaning ta'kidlashicha, «Barselona» sport direktori Deku allaqachon futbolchining atrofidagilar bilan kelasi yozda amalga oshishi mumkin bo'lgan kelishuvni muhokama qilish uchun aloqaga chiqqan.

Joriy mavsumda Savino Ispaniya chempionatida 14 ta o'yin o'tkazib, 4 ta gol urdi va 4 ta golli uzatmani amalga oshirdi.