«Barselona» sport direktori Deku yana bir bor hujumchi Joau Feliksning kataloniyaliklar jamoasidagi istiqbollari haqida gapirdi.

Portugaliyalik futbolchi Xavi Ernandes jamoasida «Atletiko Madrid»dan bir yillik ijara asosida o'ynaydi.

«Feliksning kelajagi? Ijaraga olingan o'yinchilar yoki yangi transferlar haqida gapirishdan oldin o'yinlarda g'alaba qozonishimiz va La Ligaga e'tibor qaratishimiz kerak.

Albatta, yana bir bor tasdiqlay olamanki, biz Joauning o'yinidan mamnunmiz», - deya Dekuning so'zlarini keltiradi jurnalist Fabritsio Romano.