"Barselona" sport direktori Deku "Jirona"dan uchralgan mag'lubiyatdan keyingi holat haqida gapirdi.

Xavi Ernandes shogirdlari o'z maydonida 2:4 hisobida mag'lub bo'lishdi. "Jirona" 16-turdan keyin 41 ochko bilan La Liga turnir jadvalida peshqadamlik qilmoqda, "Barselona" 34 ochko bilan to'rtinchi o'rinda.

"Biz o'yinni yaxshi boshladik, ammo g'alaba qozonish uchun etarlicha kuchimiz yo'q edi. Albatta, biz g'alaba qozonib, birinchi o'ringa yaqinlashishni istardik, ammo hech narsa hal bo'lmadi, biz kurashni davom ettirishimiz kerak", - dedi Deku Barca Universal bilan suhbatda.

Keyingi turda "Barselona" safarda "Valensiya"ga qarshi o'ynaydi (16 dekabr), undan uch kun oldin esa Chempionlar ligasi doirasida Belgiyaning "Antverpen" jamoasi maydoniga tashrif buyuradi.