"Barselona" futbolchisi Serxi Roberto Lionel Messi klubni tark etganida qanchalik hayron qolganini esladi.

“Leoning ketishi meni juda hayratda qoldirdi. Buni men ham, jamoadoshlarim ham kutmagan edik. Biz u shartnomani uzaytiradi deb o'ylagandik. Oradan bir necha yil o'tdi, lekin o'sha kunlarda nima bo'lganini hali hech kim bilmaydi. Shaxsan men Messi faoliyatining oxirigacha “Barselona”da o'ynaydi deb o'ylagandim”, – deya Robertodan iqtibos keltiradi Inter Miami News Hub.

Eslatib o'tamiz, Lionel Messi ikki mavsumni “PSJ”da o'tkazgan va shundan so'ng “Inter Mayami”ga o'tgan edi.