Hozirda Italiyaning "Komo" klubida to'p surayotgan "Barselona"ning sobiq futbolchisi Serxi Roberto "ko'k-anorranglilar" sardorlarining etakchilik qobiliyatlariga shubha qilmaydi.

34 yoshli ispaniyalik futbolchi 2024 yilda jamoani tark etishidan oldin "Barsa" sardori bo'lgan edi.

"Barselona"da juda kuchli xarakterga ega va eng yuqori darajada o'zlarini ko'rsata oladigan ajoyib sardorlar bor. Aynan qiyin lahzalarda siz haqiqiy kuchli futbolchilarning fazilatlarini ko'rishingiz mumkin. Men "Barsa"ga shubha qilmayman. Futbolchilarda xarakter borligini ko'rib turibman va ular maydonda bor kuchlarini berishlariga ishonchim komil", — dedi Serxi Roberto.