"Barselona" bosh murabbiyi Xavi Ernandes uning jamoasi hali qurilish jarayonida ekanligini aytdi.

"Biz hali qurilish bosqichidamiz, desam, bu ba'zi narsalarni yaxshilashimiz kerak degani. Jamoaga yangi futbolchilar keldi, yoshlar paydo bo'ldi. Biz ketma-ket ikki yil guruhdan chiqa olmadik va Evropa Ligasiga o'ynadik. Endigina biz Chempionlar ligasi pley-off bosqichiga yo'llanmani qo'lga kiritishga muvaffaq bo'ldik", - dedi Xavi matbuot anjumanida.

Eslatib o'tamiz, “Barselona” o'tgan dam olish kunlari Ispaniya chempionatida “Jirona”ga imkoniyatni boy berib, turnir jadvalida to'rtinchi o'ringa tushib ketdi.