"Barselona" qishda ko'p sonli yangi futbolchilarni jamoaga taklif qila olmaydi. Hozir asosiy e'tibor yarim himoya chizig'ini kuchaytirishga qaratilmoqda.

Jamoaga jarohat olgan Gavining o'rnini bosadigan futbolchi kerak.

“Biz cheklovlarni kuzatishimiz kerak. Shu bilan birga, Gavining o'rnini qoplash uchun yarim himoyachini olib kelish fikri bor.

Mavsum oxirigacha ijara bo'lishi mumkin. Bir paytlar biz Edgar Davidsni shu yo'l bilan o'zimizga tortgan edik”, — dedi prezident.

Oldinroq Pedrining ham jarohat olgani ma'lum bo'lgandi. Shu bilan birga, u yanvar oyida maydonga tushishi kutilmoqda.