"Barselona" bosh murabbiyi Xavi Ernandes Kataloniya klubi 2:3 hisobida mag'lub bo'lgan "Amerika"ga qarshi o'rtoqlik uchrashuvi natijalarini sarhisob qildi.

Mutaxassis bu o'yinni tomosha qilish yoqimli bo'lganini, chunki har ikki jamoa ham yaxshi futbol ko'rsatganini ta'kidladi.

"Ikkala jamoada ham imkoniyatlar bo'ldi, ammo meksikaliklar darvoza oldida e'tiborliroq bo'lgani uchun g'alaba qozonishdi", - dedi Xavi klub matbuot xizmatiga.

Eslatib o'tamiz, Ispaniya chempionatining 18-turidan so'ng "ko'k-anorranglilar" peshqadamlik qilayotgan "Jirona"dan etti ochkoga ortda qolgan holda turnir jadvalida uchinchi o'rinda bormoqda.