O'tgan yozda Kataloniya klubiga kelib qo'shilgan "Barselona" himoyachisi Joau Kanselu jamoadoshlaridan qaysi biri uni ko'proq hayratga solganini aytdi.

"Frenki de Yong menda katta taassurot qoldirdi. Agar siz u bilan ishlaganingizda, u qanday mashg'ulot o'tkazayotganini va maydonda qanday turli ishlarni qila olishini ko'rgan bo'lardingiz", - dedi Kanselu.

Eslatib o'tamiz, de Yong Kataloniya klubida 2019 yildan buyon o'ynab kelmoqda. Bu davrda niderlandiyalik futbolchi barcha turnirlarda 195 ta uchrashuvda ishtirok etib, 16 ta gol va 21 ta golli uzatmani amalga oshirgan. 26 yoshli futbolchining amaldagi shartnomasi 2026 yilning yoziga qadar mo'ljallangan.