Madridning "Real" klubi yakshanba kuni La Liga doirasida "Xetafe" mehmoni bo'ladi.

O'yin Toshkent vaqti bilan 00:00 da boshlanadi. Marca xabariga ko'ra, "qaymoqranglilar" bosh murabbiyi Xabi Alonso Jud Bellingemni asosiy tarkibga qaytaradi - u maydon markazida Arda Gyuler va Orelen Tchuameni bilan o'ynaydi. Himoyada Alvaro Karreras, Eder Militao, Raul Asensio va Federiko Valverde, darvozada Tibo Kurtua maydonga tushishi kutilmoqda. Hujum uchligini Vinisius Junior, Kilian Mbappe va Franko Mastantuono tashkil etadi.

"Real" "Xetafe"ni mag'lub eta olsa, yana birinchi o'ringa qaytadi. Ayni damda Alonso jamoasi 21 ochko bilan 2-o'rinda bormoqda va "Barselona"dan 1 ochko ortda qolmoqda.