"Barselona"ning sobiq futbolchisi Luis Suares yaqinlashib kelayotgan Ispaniya Superkubogi finali haqida o'z fikrini bildirdi.

“Bunday uchrashuvni tomosha qilish yoqimli bo'ladi. Kimga muxlislik qilishimni hamma biladi. "Barselona"ga eng yaxshi tilaklarimni tilayman. Finalga chiqish kataloniyaliklarning yaxshi jamoaga ega ekanligini isbotlaydi. Turnirda g'alaba qozonish ularga hissiy jihatdan yordam beradi", - deya futbolchining so'zlarini keltiradi Marca.

Jamoa yig'ini bugun, 14 yanvar kuni bo'lib o'tadi. Boshlanishi: Toshkent vaqti bilan 23.59.