"Barselona" bosh murabbiyi Xavi Ernandesning kelajagi so'roq ostida.

Cadena Ser nashrining xabariga ko'ra, agar jamoa shu haftada ijobiy natijalarga erisha olmasa, mutaxassis ishdan bo'shatilishi mumkin.

"Ko'k-anorranglilar"ning navbatdagi o'yini Ispaniya kubogi 1/8 finalida "Unionistas Salamanka" klubiga qarshi bo'ladi. Keyin Ernandes shogirdlari Ispaniya chempionatida "Betis" bilan uchrashadi.

Rahbariyat ushbu uchrashuvlar natijalariga ko'ra bosh murabbiy taqdirini hal qiladi. Eslatib o'tamiz, o'tgan dam olish kunlari "Barselona" Ispaniya Superkubogi finalida "Real"dan yirik mag'lubiyatga uchradi. Kataloniyaliklar 1:4 hisobida imkoniyatni boy berishdi.