"Barselona" boshqaruvchisi Xavi Ernandesning kelajagi noma'lumligicha qolmoqda.

"Ko'k-anorranglilar" rahbariyati joriy mavsumda murabbiyni o'zgartirishga qaror qilmasa kerak, ammo ular mavsum yakunlanganidan keyin Xavi bilan xayrlashishi mumkin. Jurnalist Xavi Migelning so'zlariga ko'ra, agar shunday bo'ladigan bo'lsa, murabbiy tovon pulidan voz kechadi: u "Barselona"dan shartnoma bo'yicha o'ziga tegishli maoshning qisman to'lanishini ham talab qilmaydi.

Eslatib o'tamiz, Xavi Ernandesning kataloniyaliklar bilan shartnomasi 2025 yilning o'rtalariga qadar amal qiladi. Mutaxassis o'z lavozimida 2021 yilning kuzidan beri ishlab kelmoqda.