"Barselona" bosh murabbiyi Xavi Ernandes chempionat doirasida qirollik klubi irodali g'alabaga erishgan (3:2) "Real Madrid" - "Almeriya" uchrashuvidagi hakamlik haqida yana fikr bildirdi. Uchrashuv davomida hakam bir qancha bahsli qarorlar qabul qildi va bu matbuotda katta janjalga sabab bo'ldi.

“Santyago Bernabeudagi bahsli o'yin? Men olovga moy quymoqchi emasman, futbol haqida gapirmoqchiman. Agar boshqa kundagi his-tuyg'ularim haqida so'rasangiz, ular haqida sizga aytib berishdan xursand bo'laman", - dedi Xavi matbuot anjumanida.

Eslatib o'tamiz, Madridning “Real” klubi La Liga turnir jadvali peshqadami “Jirona”dan bir ochko ortda qolmoqda.