Ispaniya chempionatining 23-turi doirasida «Barselona» safarda «Alaves» klubi mehmoni bo'lib, o'z hisobiga 3 ochkoni yozib qo'ydi.Uchrashuvning 22-daqiqasida kataloniyaliklar hujumchisi Robert Levandovski darvozasini ishg'ol qilgan bo'lsa, ikkinchi bo'lim boshida Ilkay Gyundogan farqni ikkitaga oshirdi.Oradan atigi 2 daqiqa o'tib maydon egalari bitta javob to'pini kiritishdi. "Barsa"ning yangi futbolchisi Vitor Roke 59-daqiqada zaxiradan maydonga tushdi, 63-daqiqada gol urdi hamda 67 va 72-daqiqalarda ikkita sariq kartochka olib, maydonni tark etdi."Alaves" o'yinning qolgan qismida bir kishi ko'p bo'lib o'ynagan bo'lsa-da, raqib darvozasi yaqinida xavfli vaziyatlarni yuzaga keltira olmadi."Barsa" ushbu g'alaba tufayli o'z ochkolarini 50 taga etkazib, jadvalda 3-o'ringa ko'tarilib oldi. Ispaniya chempionati, 23-turAlaves – Barselona 1:3 (0:1)Gollar: 0:1 – 22 Levandovski, 0:2 – 49 Gyundogan, 1:2 – 51 Omorodion, 1:3 – 63 Roke.Alaves – Sivera, Tenalya (Xadji, 77), Duarte, Marin, Xavi Lopes, Sola, Guridi (Simeone, 63), Antonio Blanko (Benavides, 77), Gevara, Rioxa (Rebbash, 63), Omorodion (Player, 88).Barselona – Penya, Kunde, Arauxo, Kubarsi (Romeu, 83), Joau Kanselu (Fort, 46), Kristensen (Martines, 82), Gyundogan (Roke, 59), de Yong, Pedri (Lopes, 74), Yamal, Levandovski.Ogohlantirishlar: Omorodion (12), Roke (67).Chetlatish: Roke (72).