Kataloniyaning "Barselona" klubi himoyachi Joau Kanselu bilan to'liq shartnoma imzolamoqchi, deya xabar beradi insayder Nikolo Skira ijtimoiy tarmoqda.

Manbaga ko'ra, portugaliyalik futbolchi "Barsa"da o'ynashda davom etmoqchi. Eslatib o'tamiz, 29 yoshli futbolchi "Manchester Siti"ga tegishli.

Uning "shaharliklar" bilan shartnomasi 2027 yilning yoziga qadar mo'ljallangan. Transfermarkt portali uni 40 million evroga baholamoqda.

Joriy mavsumda Kanselu barcha turnirlarda 25 ta o'yinda qatnashib, o'z hisobiga 3 ta gol va 3 ta golli uzatma yozdirib qo'ydi.