"Barselona" sport direktori Deku Joau Feliks va Joau Kanseluning kelajagi haqida ma'lumot berdi.

Hujumchi va himoyachi huquqi mos ravishda “Atletiko Madrid” va “Manchester Siti”ga tegishli. Xabaringiz bor, "Barselona" ikkala portugaliyalikni ham sotib olmoqchi, ammo klubning iqtisodiy qiyinchiliklari kelishuvni amalga oshirishga to'sqinlik qilishi mumkin.

“Feliks biz moliyaviy feyr-pley qoidalariga rioya qilishimiz uchun maoshni kamaytirishga rozi bo'ldi. Joriy mavsumda bir qancha o'yinlarda ham bizga yordam berdi. Uning klubdagi kelajagi, xuddi Kanseluni singari, bizning imkoniyatlarimizga bog'liq bo'ladi", - dedi Deku.