Taniqli insayder Fabritsio Romano Antonio Kontening "Barselona" bosh murabbiyi lavozimiga tayinlanishi mumkinligi haqida gapirdi.

Italiyalik mutaxassis o'tgan yilning bahoridan beri ishsiz, Kataloniya klubi tez orada murabbiyini yo'qotadi - Xavi Ernandes mavsum oxirida ketishini ma'lum qildi. Mish-mishlarga ko'ra, Konte allaqachon "Barselona"da ishlashga tayyorligini bildirgan, biroq Romano bu ma'lumotni rad etgan. Insayderning yozishicha, “Yuventus”, “Chelsi”, “Inter” va “Tottenxem”ning sobiq ustozi xizmatlari La Liga gigantiga taklif qilinmagan.

"Milan" Antonio Konte uchun asosiy da'vogar sanaladi. Mutaxassis shuningdek, "Yuventus", "Napoli" va "Manchester Yunayted"ning qiziqish doirasida bo'lib turibdi.